Monday, October 31, 2005

ലീലേച്ചി പോയി!

ലീലേച്ചി പോയി.....

ഉറക്കത്തിലേക്കു പിന്നെയും പിന്നെയും വീണുപോകുന്ന യാമങ്ങളിൽ കളിപ്പന്തലിന്റെ വക്കത്തെവിടെയോ തിരിഞ്ഞുകിടന്നു മയങ്ങാൻ ശ്രമിക്കുമ്പോളാണ് ലീലേച്ചി വിളിച്ചുണർത്താറ്.
രാവിലെ മൂന്നുമണിക്ക് കിളികളും കാറ്റും ഉണരുന്നതിനു മുൻപ്, നിർമാല്യത്തിനും മുൻപ്, അവർ ഒരു ഗാനസുധയായി ഒഴുകി ഇറങ്ങി വരും.

“സാന്ദ്രാനന്ദാവബോധാത്മക....”



ഉണ്ണിക്കണ്ണനുചുറ്റും നിരന്നുനിന്ന് ആലവട്ടം വീശുന്ന ഉപനിഷദ്സുന്ദരികളിലൊരാളായി ആചന്ദ്രസൂര്യാന്തകാലത്തോളം വിരാജിക്കാൻ അവരിപ്പോൾ വൈകുണ്ഠത്തിനു പോയിരിക്കുന്നു...

ഹരിനാമകീർത്തനത്തിന്റെ, ജ്ഞാനപ്പാനയുടെ, നാരായണീയത്തിന്റെ...
വരികൾക്കിടയിൽ ഇനിയെന്റെ ഇത്തിരി ഗദ്ഗദപ്പൊട്ടുകൾ നിസ്വനമായ താളപ്പാടുകളിടും....

എന്റെ ലീലേച്ചി പോയി....!

10 comments:

  1. പുണ്യം ചെയ്ത ജന്മം!
    മലയാളം ഉള്ളിടത്തോളം കാലം അവർ ജീവിക്കും...
    പരേതാത്മാവ് നിത്യശാന്തിയടയട്ടെ!

    ReplyDelete
  2. kandu kandangirikkum janangale
    kandillennu nadikkunnathum bavan.

    She was a mystic enchanting alltime singer. Will be remembered till the time music is a weakness to mankind.
    Culmination:-
    Once upon a time there was a lady primeminister named Indira Gandhi was here and she shed her blood for the country's integrity on this day. It went un noticed by the blog I presume. Unfortunately Gandharvan is outside the fence and could not do anything.
    It is not late- SOS

    ReplyDelete
  3. കടന്നുപോകുന്ന ഓരോ ഒക്റ്റോബർ 31നും ഒട്ടും മറക്കാതെ ആ ജീവിതവും മരണവും മനസ്സിലൂടെ പ്രദക്ഷീണം വെക്കാറുണ്ട്.


    എങ്കിലും മഹദ്‌വ്യക്തിത്വങ്ങളെ ഏതു നിലയ്ക്കും താറടിച്ചുകാണിക്കുന്നത് ഒരു ഫാഷനും ഹോബിയും ആയ ഇക്കാലത്ത് എന്തിനു വേണ്ടി നാം അത്തരം വലിയ പേരുകളെ അനർഹമായ ഈ വഴിയോരങ്ങളിലേക്ക് വലിച്ചിഴയ്ക്കണം?

    ReplyDelete
  4. ഒരു പുനർജന്മത്തിൻ ചിറകു നൽകി അവർ
    സ്വരങ്ങളായ് വാനിൽ പറന്നുയർന്നു...

    ReplyDelete
  5. ഒരിക്കലും മരിക്കാത്ത ആ സ്വരവീചികള്‍ പക്ഷെ
    എരിയുന്നൊരോര്‍മ്മയില്‍ എണ്ണയായ്ത്തീരുമോ?
    നന്ദി.. ഒരു തുള്ളിയെണ്ണയ്ക്ക് ഞാനും കടക്കാരന്‍.

    ReplyDelete
  6. വിശ്വപ്രഭ ഇപ്പോ എന്താ എഴുതാത്തേ?
    തിരക്കുകൾ‍?

    ReplyDelete
  7. vishweta i edited my blog and i lost links of other bloggers help me?

    ReplyDelete

We are trying even more...

[കാലം ചെല്ലുംതോറും രക്തത്തിലെ പഞ്ചസാരയുടെ സ്വീകാര്യമായ അളവു് കുറച്ചുകുറച്ചുകൊണ്ടുവരുന്നതു്, ഡോക്ടർമാരെല്ലാം കൂടി നടത്തുന്ന ഒരു അന്താരാ...